الدراسة في اوكرانيا
اهلا وسهلا بك في منتداك ويمكنك المشاركة مباشرة في المنتدي

اضحك تضحك لك .....

استعرض الموضوع السابق استعرض الموضوع التالي اذهب الى الأسفل

اضحك تضحك لك .....

مُساهمة من طرف dr-mohammed في الخميس يوليو 15, 2010 7:37 pm

مسطول لقى واحد وولدوا واقف وراهو ....
قال ليهو مالك انتا وولدك واقفين زى الساعة اتناشر شوكة


استاذ سال تلميذ
مسطول ما معنى كلمة سبيل؟ رد التلميذ: طريق..
المعلم
وسلسبيل؟ قال ليهو ... طر.. طريق


مسطول لقى جدو بيأكل جلي قاليهو: انت بترجف والجلي يرجف
جهجهتو المعلقة


مسطول احوص دايرين يشنقوهو سألوه: امنيتك شنو؟
قال: اشوف نفر واحد بس


سألو مسطولة سودانية ترشحي مين لقيادة حماس؟ اجابت: راغب علامة


مسطول؟؟؟
لقي اثنين في المقابر بفتشو علي قبر ابوهم وهم بتغالطوا: ياهو ده لا
ماياهو، ياهو ده لا ماياهو،
قاليهم: انتو دايرين تدو هو فاتحه ولامصاريف



واحد سأل واحد مسطول يا أخ انا داير اصل المستشفى أقرب شارع بى وين ؟؟؟؟

رد المسطول : بسيطة أقيف في نص الشارع



واحد مسطول مشي للدكتور بشتكي من ضرسو، الدكتور قاليهو: احشي ليك؟

قاليهو لا.. لا.. اديني في صحن!!


مسطول سأل التاني : الطحنية دي بصنعوها من شنو؟ قاليهو: من النشاره!!


مسطول في المدرسة
سمع الاستاذ بقول المثابرة تولّد النجاح
قال لى زميلوا : مــــــــتين هي المثابرة بقت دايه؟؟


مسطــــــــــــول ماشي وراء واحدة مسطــــــــولة فكر يقول ليها حاجة
يشاغلها قال ليها : ا لحلوة وراها مشوار؟
قالت ليهو: الحلوة وراها .........حمااااااااار


مسطول عمل عملية تجميل جاء داخل لاهلو بعد العملية
قال ليهم على بالقسم ما عرفتكم


عجلاتي ساطل زهجان من ولدو النائم لامن الشمس طلعت فيهو. جات امه تصحيهو
قاليها: خليهو تحت الشمس فيهو رقعة دايرها تقوم


مسطول سأل بتاعة الاتصالات: عندكم مفتاح امريكا
قالت ليهو ايوه في
قال ليها: اعملوا لي منو نسخة


مسطول بيشاغل في واحدة لونها اخضر (سمراء) قاليها: وين يا بيبسي؟
قامت تفت عليهو
قاليها : وكمان بتفوررري؟


مسطول اشتري عربية شبح جديدة لنج
....وهو سايقها فتح الراديو سمع هنا لندن، قال انعل ابو السرعة ذاتو

واحد مسطول مثقفاتى سالوهو ما فائدة (ملاح الويكه؟)
قال: يساعد علي انزلاق اللقمه

مسطول سألته بنته العائدة من السفر: أنا منو؟
رد عليها قائلاً: بالله انتي ما عرفتي اسمك دايري أعرفك أنا

مسطول سايق تاكسى واحد وقفو قال ليهو: نادى الأسرة من فضلك

رد قاليهو ناديهم براك


مسطول سايق تاكسي الراكب قاليهو: لف يمين،
المسطول قاليهو: لفها انت .........انا سايق


مسطول ضرب تلفون غلط قال: دا منزل مصعب
؟ قالو ليهم لا
قال ليهم : طيب رافعين السماعة ليه

مسطول فتحو محطة بنزين جنب بيتهم.....
قال: اخيراً الواحد يقدر يكب بنزين كداري


مسطول قدر ما يشرب سفن اب (7 up) بقي يمشي سبعة خطوات وينط....

مسطول جارى وراه كلب ينبح عليهو..
لف ستة شوارع والكلب لسه وراه،
لما وصل الشارع السابع الكلب تعب رجع،
المسطول وفق في نص الشارع : مبــــــــــــــــــــــــــــــــــالغة دا
كلب طويل خلاص


سواق أمجاد راكب جنبو واحد سمـــــــــين لدرجة انو ما قادر يسوق،
في واحد مسطول في الكنبة الخلفية قال للسواق: يا ابن العم شيل دركسونك
وتعال معانا بي وراء


مدرس بيدرس في طلبة مساطيل قال ليهم: يعيش السمك في الماء! قالو ليهو:
يعيش... يعيش..يعيش


واحد طلب من مسطول سيجارة عيدية فى عيد الفطر
المسطول قال ليهو السجارة كان بدوها عيدية كان ختوها في علبة الحلاوة


مسطول بحب نفسو... كتب ليها جواب


مسطول دخل يدو في مويه نار مرقا لقاها مافي.. دخل رأسو يشوفا مشت وين

مسطول سالوه ما اصغر شئ في الدينا
قال ليهم
شامة في ضهر نملة


واحد مسطول ساق حمار الوحش لبتاع التلفزيونات وقاليهو: عاوز واحد زي دا..
لكن يكون ملون


ليه الواحد لما يعاين ليك بتجيهو نفسيات؟
غايتو انا تاني ما حاوريك وشي خالص (مسطولة بتتكلم مع المرايا)


سألوا مسطول عن اكثر زول صبور قال واحد منتظر نانسي عجرم في قناة اقرأ


واحد عندو ارنب عاوز يبيعو جاهو واحد مسطول قاليهو: القرد ده بكم؟؟

رد الرجل: دا ارنب ما قرد! المسطول قاليهو: يا ابو الشباب انا سألت الأرنب
ما سألتك انت


عدل سابقا من قبل Admin في الخميس يوليو 15, 2010 7:39 pm عدل 1 مرات

dr-mohammed
المدير العام
المدير العام

عدد المساهمات : 151
تاريخ التسجيل : 09/07/2010
الموقع : ww.nasukraine.com

http://www.nasukraine.com

الرجوع الى أعلى الصفحة اذهب الى الأسفل

رد: اضحك تضحك لك .....

مُساهمة من طرف dr-mohammed في الخميس يوليو 15, 2010 7:39 pm

مسطول شايل لوح تلج بقلب فيهو
شافو واحد قاليهو مالك يازول؟؟؟؟
قاليهو بس بنقط وداير اشوف مقدود من وين

-----
اتنين مساطيل
سايقين ليهم تكسي واحد راكب ورا والتاني سايق الورا سطل سطلة شديدة
جو ماشين في شارع النيل السايق شاف الشجرة مضروبة بهية بيضاء وقف
قايلة بوليس حركه ..... لمن شافه شجرة ضحك وطلع فاتت...
بعد مسافه الورة سالو قاليهو التافه ده قال ليك شنو
------
في واحد قال لي صاحبوا المسطول والله امبارح اليوم كلو بالي مشغول
قال ليهو يمكن في زول رافع السماعة

-----
في واحد مسطول قال لي صاحبو ارسم لي في ضهري مربعات من 1 لحدي عشرين
بعد انتهي قال ليهو حك لي المربع رقم 15
------
مساطيل قالوا دايرين يعملوا مظارهة ضد امريكا
لبسوا واحد صورة بوش وحرقوا
----
مسطول فتح التلاجة شاف الجلي برجف
قال ليهو ما تخاف داير اشرب موية بس
------
مسطول ماشي في شارع النيل

قابلوهو ناس التلفزيون ،،،،،،
شبكو يا اخ يا اخ عاين ليهم قال ليهم معاي انا

قال ليهو اي قالوا ليهو رايك شنو في الزواج المبكر

قال لي نعم ،،،،،،،

قالو ليهو رايك شنو في الزواج المبكر ،،،،،،

قال ليهم حوالي الساعة كم كدة
-----
اتنين بصلو جا واحد داير يصلي معاهم بقي يجر في الامام لي وراء والامام
واقف قام جا رباطابي قال ليهو ياخي دي الضلفه الفيها الترباس جر التانيه
-----
واحد مسوووووووووووووول لمبتو باظت طلع يصلحا قام عاين ليها كدااااااااا
وقال
ليها كيف ما تبوظي وانتي قاااااااعدة لي جمب سلك عريااااااااااااااااااان
-----
دنقلاوية سألوها ماذا تعني الدهشه
قالت A بسم الله ، الدهشه ما ولد الهمار؟

------------
رباطابي ولدو ليهو ولد يشبهو تماماً ، قال لي مرتو دي بطن ولا مكنة تصوير
-------
سكران لاقى ست العرقي في الحج قال ليها : اسألك بالله وقدام بيتو دا ما
تزيدي لينا موية تاني
-----
مسطول زنقو شيطان في زقاق وما حافظ اي سورة قام قرا ليهو طلع البدر علينا

-----
سواق مسطول الكمساري قال ليهو اللستك نزل ؟ السواق رد ليهو المهم دفع ولا
ما دفع؟

------
مسطول وقع من السلم مشى الدكتور اداهو مرهم قال ليهو امسحوا في موضع
الوقعة؟ قام المسطول مسحوا في السلم!
-----
ادروب مشى يخطب البت ، قال ليهو البت بتقرأ؟ قال ليهم خلاص وقت الفسحى نجي
-----

مسطول عينوهو رئيس بعثة الحجاج قاليهم بعد الاحرام في جدة اجتمع بيهم
قاليهم يا جماعه لو شديتو حيلكم معانا احتمال نصل بيوتنا قبل العيد

dr-mohammed
المدير العام
المدير العام

عدد المساهمات : 151
تاريخ التسجيل : 09/07/2010
الموقع : ww.nasukraine.com

http://www.nasukraine.com

الرجوع الى أعلى الصفحة اذهب الى الأسفل

رد: اضحك تضحك لك .....

مُساهمة من طرف sudani في الخميس يوليو 15, 2010 8:35 pm

دي قوية
في واحد قال لي صاحبوا المسطول والله امبارح اليوم كلو بالي مشغول

قال ليهو يمكن في زول رافع السماعة







sudani
مشرف الاسئلة والاستفسارات
مشرف الاسئلة والاستفسارات

عدد المساهمات : 38
تاريخ التسجيل : 09/07/2010

الرجوع الى أعلى الصفحة اذهب الى الأسفل

رد: اضحك تضحك لك .....

مُساهمة من طرف نونا في الجمعة يوليو 16, 2010 4:41 am

هههههههههههه

هههههههههههههههه

جديات كل وحدة احلى من التانية منووووورخوي

نونا
مشرفة المرأة و الأسرة
مشرفة  المرأة و الأسرة

عدد المساهمات : 58
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى